ორგანიზაცია "მოქალაქე" მედიაორგანიზაციებს ტრენინგებს სთავაზობს

2014.03.17 ავტორი: TS

არასამთავრობო ორგანიზაცია "მოქალაქე" მედიაგარემოს გაუმჯობესებისა და ზოგადად მედიის ხელშეწყობის მიზნით, მედიაორგანიზაციებს ჟურნალისტებისთვის კვალიფიციური ადგილობრივი და საერთაშორისო ექსპერტებისა და ორგანიზაციების მონაწილეობით, ტრენინგების ჩატარებას სთავაზობს. ინფორმაციას ორგანიზაციის საზოგადოებასთან ურთიერთობის სამსახური ავრცელებს.

"მიუხედავად იმისა, რომ ორგანიზაციას აქვს საკუთარი შეხედულება, თუ რა მიმართულებით იქნება ტრენინგების ჩატარება მნიშვნელოვანი, საჭიროდ მიიჩნევს, მიიღოს დამატებითი ინფორმაცია თავად მედიასაშუალებების ხელმძღვანელებისაგან, კონკრეტულად, რომელ საკითხებს თვლიან ისინი აქტუალურად და რაში საჭიროებენ მათდამი დაქვემდებარებული მედიაორგანიზაციების თანამშრომლები ცოდნის გაღრმავებას. ასევე გთხოვთ, წინასწარ გვაცნობოთ, რამდენ ჟურნალისტს დასჭირდება ტრენინგების გავლა სხვადასხვა მიმართულებით.

  

მედიასაშუალების ხელმძღვანელებს ვთხოვთ, ინფორმაცია მოგვაწოდონ ორი კვირის განმავლობაში ელექტრონული ფოსტის საშუალებით შემდეგ მისამართზე  info@mokalake.ge   ტრენინგების დაწყებასა და ჯგუფების დაკომპლექტების თაობაზე გაცნობებთ დამატებით"- ნათქვამია ორგანიზაციის მიერ გავრცელებულ განცხადებაში.

 

შეგახსენებთ, რომ არასამთავრობო ორგანიზაცია „მოქალაქე“ ყოფილმა პრემიერ-მინისტრმა, ბიძინა ივანიშვილმა მიმდინარე წლის 23 იანვარს დააფუძნა, ოფიციალურად კი 4 თებერვალს წარადგინა.

სტატიები
ფოტორეპორტაჟი

გამოკითხვა

რომელ კანდიდატს მისცემთ ხმას საპარლამენტო არჩევნებში?

Voted: 0

NED