ფოთის მერის მოვალეობას ვასილ თოდუა შეასრულებს

2014.01.24 ავტორი: TS

ფოთის მერის მოვალეობას, მერის მოადგილე ვასილ თოდუა შეასრულებს. საკრებულოს თავმჯდომარის ბრძანებით, თოდუა მერის მოვალეობას 6 თვის ვადით შეასრულებს.

ვასილ თოდუა პროფესიით ეკონომისტია. ის 2007-2011 წწ. თვითმმართველი ქალაქ ფოთის მერიის საფინანსო და ეკონომიკური პოლიტიკის სამსახურის უფროსად მუშაობდა და თანამდებობა საკუთარი განცხადების საფუძველზე დატოვა. 2013 წლის იანვრიდან კი ფოთის მერად დავით სარსანიას დანიშვნის შემდეგ, მის მოადგილედ დაინიშნა.

 

შეგახსენებთ, რომ ფოთის მერმა დავით სარსანიამ, სამეგრელო-ზემო სვანეთის გუბერნატორის მოადგილედ გადაყვანის მიზეზით, გადადგომის შესახებ განცხადება 16 იანვარს დაწერა. საკრებულომ მერს განცხადება 22 იანვარს დაუკმაყოფილა.

 

მერის გადადგომის რეალურ მიზეზად, მაჟორიტარ დეპუტატ ეკა ბესელიასთან დაპირისპირება სახელდება.

 

 

ამავე თემაზე:

 

ფოთის მერის "გადადგომის" რეალური მიზეზები

ფოთის საკრებულომ მერს გადადგომის შესახებ განცხადება დაუკმაყოფილა

 

ფოთის მერის გადადგომის შესახებ განცხადების განხილვა "ნაციონალებმა" ჩაშალეს