გათავისუფლებები ფოთის მერიაში ზეპირი ტესტირების საფუძველზე [Video]

2013.05.17 ავტორი: TS

ფოთის მერიამ თანამშრომლებს ატესტაცია დაიწყო. მერიის სამსახურში დასაქმებულები გასაუბრებას ზეპირ გასაუბრებას საატესტაციო- საკონკურსო კომისიასთან გაივლიან. ფოთის მერის, დავით სარსანიას განცხადებით, დადებით შედეგის მიუღებლობის შემთხვევებში, თანამშრომელბი სამსახურიდან გათავისუფლდებიან და მათ პოზიციებზე კონკურსი გამოცხადდება. 

საკონკურსო- საატესტაციო კომისია

ატესტაცია ეტაპობრივად მიმდინარეობს და 23 მაისს დასრულდება. გასაუბრება უკვე გაიარეს მერიის ადმინისტრაციისა და სხვადსხვა განყოფილების, საფინანსო, შესყიდვებისა და პრესსამსახურის თანამშრომლებმა.

 

მერიის საზოგადოებასთან ურთიერთობის სამსახურის, თამარ ჯანაშიას თქმით, ტესტირება საკმაოდ რთული იყო და კითხვები კონსტიტუციას, ორგანულ კანონსა და სამსახურის დებულებებს შეეხებოდა.

 

ფოთის საკრებულოს თავმჯდომარის, დავით ბაბილუას განცხადებით, კომისიამ ატესტაციის ტესტირება- გასაუბრების ფორმატზეც იმსჯელა, თუმცა, წერილობითი ტესტების დაბეჭვდა გარკვეულ ხარჯებთან იყო დაკავშირებული და კანონთანაც არ იყო ახლოს, რის გამოც, საბოლოოდ, მხოლოდ ზეპირ გასაუბრებაზე შეჯერდნენ.

 

ბაბილუას თქმით, კომისიის წევრები, გასაუბრებაზე გამსვლელთა მიერ დასმულ კითხვებს, შენიშვნებს და საკუთარ პოზიციას ფურცელზე ინიშნავენ და საბოლოოდ, ატესტაციის დასრულების შემდეგ შეჯერდებიან.

 

მისი განმარტებით, თითოეულ თანამშრომლეზე შედგება ატესტაციის შემაჯამებელი ფურცელი, რომელსაც მათ გადასცემენ. პრეტენზიის შემთხვევაში, მათ შესაძლებელი ექნებათ შედეგი საპრეტენზიო კომისიაში გაასაჩივრონ. თუმცა, რა იქნება ზეპირი პასუხების შეფასების კრიტერიუმები ან შემდგომ ამ ზეპირ პასუხებს როგორ ან რა ფორმით გაასაჩივრებენ, კონკურსანტებმა არ იციან.

 

გამოსაცდელ თანამშრომელთა თანხმობის გარეშე, მედიას გასაუბრებაზე არ ასწრებენ. მიზეზად კამერის დანახვისას, გამოსაცდელის შესაძლო დაბნეულობა სახელდება. ჟურნალსიტების დასწრების სურვილს კი არც გამოსაცდელები გამოთქვამენ.

 

 

 

სტატიები
ფოტორეპორტაჟი

გამოკითხვა

რომელ კანდიდატს მისცემთ ხმას საპარლამენტო არჩევნებში?

Voted: 0

NED